लेख्दैछु म अन्तीम पत्र तिमीलाई
रोएर होइन खुशीका साथ
मुटुबाट बिदा गर्दैछु तिमीलाई।

भुल्न थालेको छु आज तिमीलाई
तिमीले दिएका पीडालाई
अनि पिडाले जन्माएका आँशुलाई
त्यसैले, लेखदैछु म अन्तीम पत्र तिमीलाई

तिमीले लिएका आँशु अनि पीडाका लागि
धन्यबाद दिँदै छु आज तिमीलाई।

तिमीसँगका दिनलाई भुलेको छु मैले
तिमीले भन्दा धेरै माया गर्ने
साथी पाइसकेको छु मैले

त्यसैले, लेख्दैछु म यो अन्तीम पत्र तिमीलाई
तिमीबिनाको जीवन बाँच्न सिक्दैछु
यही भन्न चाहन्छु आज तिमीलाई।

तिमीले दिएको घाउले तड्पेको थिएँ म
आज ति सबै घाउहरुमा
उसको मायाको मलम लगाउँदैछु म

त्यसैले त, लेख्दैछु म अन्तीम पत्र तिमीलाई
तिमीले दिएका घाउहरु निको हुँदैछ
यही खबर सुनाउन चाहन्छु तिमीलाई।

बिर्सीसकेँ आज, तिमीसँग रमेको सपनामा
आज सपना सबै बिर्सेर
उसँग रमाउँदै छु म विपनामा

अतःलेख्दैछु म आज अन्तीम पत्र तिमीलाई
सपनाबाट विउँझीसकेको छु म
यही खुशीको खबर सुनाउन चाहन्छु तिमीलाई।

तिमीले दिएको धोका पनि खुशीसाथ अपनाएँ मैले
तिमीले छोडेर गयौ र त
असल जीवनसाथी उपहार पाएँ मैले
त्यसैले,लेख्दैछु म अन्तीम पत्र तिमीलाई
तिमीले दिएको उपहारका लागि
धन्यबाद दिन चाहन्छु आज तिमीलाई।
 
तर, अझै तिम्रा याद अल्झेको छ मष्तिस्कमा
विस्वास छ मलाई, उसको साथ पाई
विर्सने छु तिम्रा यादहरु भविष्यमा

त्यसैले,आज अन्तीम पत्र लेख्दैछु म तिमीलाई
उसलाई मुटु भित्र बास दिई
खुशी खुशी मुटुबाट विदा गर्दैछु तिमीलाई
मुक्त गर्दैछु म आज तिमीलाई।

Average user rating

   (0 vote)