टाढा अनि धेरै भएछौ धेरै टाढा
मेरो हृदय भन्दा धेरै टाढा
निरन्तर तिम्रो यादमा
सपना अनि कल्पनाको सागरमा

असिमित यादहरु संगाली
निरन्तर तिम्रो यादमा
अनि तिम्रो त्यो सम्झनामा
म एक्लो यात्री हिडीरहे

कतै भेटहोला कि भनी
कुनै दोबाटोमा कुरी बसेकी होली भनी
आशाको त्यान्दो बोकी
म तिम्रो सम्झनाको पथमा हिडीरहे

दोबाटोहरु भेटीदै गए
तिमी कतै छौकि भनी
साथ कतै पाँउछौ कि भनी
म अनि साथमा तिम्रो याद बोकी हिडीरहे

तिमी भेट्ने आशै आशमा
झिस्मीसेमा उठी हिडे
तिमीलाइ पाउने आशै आशमा
फेरी पनि हिडीरहे

भेट्ने त हजारौं नै भेटे
दाबाटो पनि उस्तै भेटे
न त तिमीलाई भेटे
तै पनि म गोधुली साँझ सम्म हिडीरहे

Average user rating

   (0 vote)